Ukrainskaja armija paśla mnohich hod vahańniaŭ moža zamović i ŭziać na ŭzbrajeńnie hranatamiot RH-1 «Poršań», jaki miarkujecca vykarystoŭvać u šturmavych aperacyjach, paviedamiŭ u piatnicu daradca prezidenta krainy Jury Birukoŭ.
Hranatamiot RH-1.
Jak mnohaje zaraz va Ukrainie, vyrab pieršaj partyi zbroi, pa jahonych słovach, byŭ abumoŭleny pryvatnaj inicyjatyvaj: niejki ananimny pradprymalnik z Dnieprapiatroŭska achviaravaŭ na heta 11 miljonaŭ hryŭniaŭ (kala $900 tysiač).
Hranatamiot pryznačany dla situacyj, kali kłasičnyja stankovyja hranatamioty kštałtu savieckich AHS-17 vykarystoŭvać ciažka ci niemahčyma — naprykład, u budynkach. Pieranosić i stralać sa zbroi, jakaja razam z mahazinam na 5 hranataŭ važyć 12,5 kh, moža 1 žaŭnier.
30-milimietrovyja hranaty i mahaziny dla RH-1.
Ahulnaja daŭžynia hranatamiota — 90 sm, što dazvalaje biez asablivych prablem ruchacca i vieści boj u vuzkich kalidorach i pakojach.
Upieršyniu RH-1, stvorany inžynierami «Južmaša», byŭ prademanstravany na publicy ŭ 2000 hodzie. Zaraz, kab pačać pastaŭki novaj zbroi armii, patrebnyja try apošnija podpisy ŭ Minabarony, kaža Birukoŭ.