Videa anłajn ź miesca padziej:
22:35
Pomnik Leninu ŭ Charkavie, što stajaŭ na Płoščy Svabody, źniesieny. Demanstranty padpilili statuju źnizu z dapamohaju vuhłavoj šlifavalnaj mašyny-bałharki i ściahnuli pomnik z pastamienta z dapamohaj mietaličnych trosaŭ, paviedamlaje Bi-Bi-Si — Ukraina.
Pierad hetym aktyvisty vybili na pastamiencie nadpis «Słava Ukrainie!» i emblemu Sacyjał-nacyjanalnaj asamblei.
Na płoščy Svabody ŭ Charkavie siońnia viečaram sabrałasia kala troch tysiač mitynhoŭcaŭ. Supracoŭniki milicyi praviali z arhanizatarami schodu razmovu «ab niedapuščalnaści ździajśnieńnia pravakacyj i parušeńniaŭ zakanadaŭstva».
«Nazvanyja asoby praihnaravali patrabavańni pravaachoŭnikaŭ, pavodziać siabie z vyklikam i pravakujuć inšych hramadzian na radykalnyja dziejańni», — paviedamlałasia ŭ zajavie milicyi, jakaja raspačała kryminalnuju spravu pa źniščeńni albo paškodžańni abjektaŭ kulturnaj spadčyny i abjektaŭ ułasnaści.
Paźniej ministr unutranych spraŭ Ukrainy Arsien Avakaŭ zajaviŭ, kryminalnaja sprava budzie zakryta, što ŭkaz ab znosie pomnika padpisaŭ kiraŭnik charkaŭskaj abładministracyi Ihar Bałuta.
Šmat chto z udzielnikaŭ akcyi byŭ u bałakłavach, niekatoryja trymali nacyjanalnyja ściahi, a taksama ściahi bataljona «Azoŭ» i «Pravaha siektara».
Raniej aktyvisty zajavili, što adpiłujuć pomniku hałavu i ruki, padniaŭšysia na kranie. Aktyvisty kazali, što skidać pomnik niebiaśpiečna, bo pad płoščaj prachodziać linija mietro i inžyniernyja kamunikacyi.
