Siońnia, u paniadziełak, tysiačy prychilnikaŭ demakratyi znoŭ ustupili ŭ sutyknieńni z palicyjaj, jakaja sprabavała spynić demanstrantaŭ ślozaciečnym hazam.

Udzielniki pratestaŭ niezadavolenyja tym, što ŭłady Kitaja chočuć sami adsiavać kandydataŭ na vybarach 2017 u Hankonhu.

Jany praihnaravali papiaredžańni palicyi, što demanstracyja źjaŭlajecca niezakonnaj, i jaje ŭdzielniki pavinny razyścisia.

Ułady, u svaju čarhu, paśpiašalisia abvierhnuć čutki pra toje, što jany mohuć zadziejničać vojski, ale praciahvajuć nastojvać na tym, što palicyja praciahnie rabić zachady pa naviadzieńni paradku ŭ intaresach hramadskaj biaśpieki i bieśpierabojnaha ruchu transpartu.

U abaronu svabody i demakratyi

Tysiačy ŭdzielnikaŭ pratestaŭ sabralisia nočču kala ŭradavaha kompleksu, niahledziačy na patrabavańni palicyi razyścisia. U mnohich miescach paŭstali stychijnyja barykady.

Heta pytańnie žyćcia i śmierci, kali paŭstanie pahroza ich žyćciu, jany pavinny adstupić», — zajaviŭ adzin z stvaralnikaŭ hurtu «Akupaj Sientrał» prafiesar Čan Kinman.

Mienavita hetaja hrupa zhurtavała vakoł siabie pratestny ruch studentaŭ i stała inicyjataram kampanii masavaha niepadparadkavańnia, jakaja pavinna pačacca ŭ sieradu.

Miž tym u niadzielu palicyja aryštavała 78 čałaviek pa abvinavačvańni ŭ «siłavym praniknieńni va ŭradavyja ŭstanovy, niezakonnych schodach, stvareńni biesparadkaŭ u hramadskich miescach, napadach na pradstaŭnikoŭ uładaŭ i stvareńni pieraškod aficeram palicyi pry vykanańni imi słužbovych abaviazkaŭ».

Raniej u subotu było aryštavana jašče 70 čałaviek, častka ź jakich nieŭzabavie była adpuščanaja.

Niahledziačy na toje, što ŭ Hankonhu raźmieščany harnizon Narodna-vyzvalenčaj armii Kitaja, ułady vykazali ŭpeŭnienaść, što administracyja ankłava samastojna spravicca ź situacyjaj.

Pradstaŭnik upraŭleńnia pa spravach Hankonha i Makao zajaviŭ, što Piekin «kateharyčna piarečyć suprać lubych niezakonnych dziejańniaŭ, jakija parušajuć pravaparadak i staviać pad pahrozu hramadski spakoj, i ŭsialak padtrymlivaje ŭrad Hankonha».

Tym nie mienš, ekśpierty miarkujuć, što kamunistyčnyja ŭłady Kitaja ustryvožanyja tym, što zakliki da demakratyi mohuć być padtrymanyja i na macierykovaj častcy krainy.

Vialikabrytanija viarnuła Hankonh Kitaju ŭ 1997 hodzie na ŭmovie zachavańnia formuły «adna kraina, dźvie sistemy», jakaja harantuje ŭ Hankonhu zachavańnie svabody i pravy na pratesty, jakich pazbaŭlenyja žychary macierykovaha Kitaja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?