28 vieraśnia na Atłantyk-avieniu ŭ Bruklinie (Ńju-Jork, ZŠA) adbyŭsia 40-y fiestyval «Atłantyk-Antyk», u jakim tradycyjna pryniali udzieł parafija Kafiedralnaha Sabora Kiryła Turaŭskaha i bruklinski adździeł BAZA.

Jak i štohod, prychadžanie saboru handlavali biełaruskimi stravami.

Arhanizatary mierapryjemstva ŭznaharodzili parafiju sabora jak najstarejšaha udzielnika fiestyvalu šklanoj pamiatnaj hramataj.

U ramkach fiestyvalu ŭ hramadskaj zale sabora adbyŭsia prahlad sieryi dakumientalnych filmaŭ Babylon-13 ukrainskaha režysiora Juryja Hruzinava, źniatych im z kastryčnika 2013 hoda.

Paśla prahladu adbyłasia dyskusija z udziełam aktyvistki ukrainskaha ruchu ŭ Ńju-Jorku Natalli Stelmach, staršyni Bruklinskaha adździeła BAZA Andreja Asadčaha i aktyvista hruzinskaj dyjaspary Lea Taktakišvili. Maderataram dyskusii byŭ Źmicier Ščyhielski. Udzielniki abmierkavali paraleli pamiž padziejami ŭ Hruzii ŭ 2008 hodzie i va Ukrainie ŭ 2013-2014 i mahčymyja ŭroki ź ich dla Biełarusi.

Adznačanyja cikavaść hramadzian Ukrainy i Hruzii da stvareńnia Bałta-Čarnamorskaha sajuza i važnaść lustracyj asob, što zajmali vysokija palityčnyja pasady ŭ savieckija časy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?