Z 29 vieraśnia pa 14 kastryčnika ŭ minskim Domie miłasernaści dla viernikaŭ adkryty dostup da moščaŭ śviaciciela Łuki Vojna-Jasienieckaha, archijepiskapa Simfieropalskaha i Krymskaha.
Kaŭčeh z čaścinkaj moščaŭ byŭ dastaŭleny z Barysava napiaredadni viečaram.
Archijepiskap Łuka — urač-chirurh i vučony z suśvietnym imiem. Za svajo žyćcio (1877—1961) vyratavaŭ vielizarnuju kolkaść bieznadziejnych chvorych. Atrymaŭ dypłom z adznakaj, ale addaŭ pieravahu pasadzie «mužyckaha lekara» — ziemskaha ŭrača, a nie karjery vučonaha. Časam, nie majučy pad rukoj instrumientaŭ, vykarystoŭvaŭ ścizoryk, husinaje piaro, ślasarnyja ščypcy, a zamiest nitak — žanočy vołas. Na mnohich abrazach, asabliva hrečaskich, śviaciciel Łuka vyjaŭleny z chirurhičnymi instrumientami ŭ rukach. Jon vystupiŭ aŭtaram mnostva navukovych prac i 12 tamoŭ propaviedziaŭ.
Pavodle słoŭ nastajaciela minskaha pravasłaŭnaha prychodu chrama-pomnika ŭ honar Usich Śviatych protaijereja Fiodara Poŭnaha, «hetaje mierapryjemstva nie prosta mahčymaść pałomnictva da moščaŭ». «Dla nas važna, kab ludzi ŭbačyli i dakranulisia da razumieńnia chresnaha podźvihu i vobrazu amal našaha sučaśnika», — zajaviŭ protaijerej žurnalistam.
