Vieści ciapier razmovu ab masiravanym pavieličeńni zarpłat u Biełarusi nie davodzicca. Ab hetym siońnia zajaviŭ Alaksandr Łukašenka na sustrečy z členami savieta pałaty pradstaŭnikoŭ nacyjanalnaha schodu.
Alaksandr Łukašenka zapeŭniŭ u niaźmiennaści adpaviednaha kursu, ale padkreśliŭ, što hramadzian nieabchodna ŭ bolšaj miery aryjentavać i na vykarystańnie ŭłasnych mahčymaściej.
«Ja, jak i vy, vielmi zacikaŭleny ŭ tym, kab padtrymlivać nasielnictva. Ale ja publična i časam u žorstkaj formie źviartaju ŭvahu na toje, što dziaržava nie stvarajecca dla taho, kab karmić kahości, chto nie vielmi choča na siabie pracavać, — zajaviŭ jon. — Našy ludzi, chto choča, mohuć žyć dobra. Treba pastupova biełarusaŭ schilać da taho, što dziaržava dapamoža, ale lepš raźličvać na siabie».
Kiraŭnik dziaržavy adznačyŭ, što ŭ ciapierašniaj situacyi nie treba raźličvać na vialiki rost zarpłat.
«Treba mieć na ŭvazie, što my ciapier pieražyvajem nie najlepšyja časy ŭ suviazi z zaciažnym ekanamičnym kryzisam. Heta navat nie kryzis — asobnyja dziaržavy nachilajuć uvieś śviet, kab vyrašyć niekatoryja prablemy. Biezumoŭna, nam ciažka supraciŭlacca. Nam treba prystasavacca i vyžyć u hetaj situacyi. Tamu vieści siońnia razmovu ab masiravanym pavieličeńni zarabotnaj płaty nie davodzicca. Hety pieryjad treba spakojna pieražyć. Chacia patrochu my sprabujem u hetych adnosinach dapamahčy ludziam», — skazaŭ Łukašenka.
