U centry Hankonha ŭ sutyknieńniach z palicyjaj paciarpieli prynamsi 56 studentaŭ i aktyvistaŭ Occupy Central.

Pavodle dadzienych telekanała, palicyja Hankonha ŭžyła suprać demanstrantaŭ humovyja kuli i ślezaciečny haz. Akramia taho, u chodzie demanstracyj palicyja ŭžo zatrymała 89 čałaviek, jakija abvinavačvajucca ŭ chulihanstvie i napadzie na supracoŭnikaŭ pravaachoŭnych orhanaŭ.

Kiraŭnik urada Hankonha Leunh Čunjinh zaklikaŭ udzielnikaŭ pratestaŭ, jakija zajmajuć darohi i płoščy ŭ centry horada, spynić demanstracyi i vyzvalić prajeznuju častku daroh.

«Hałoŭnyja darohi vykarystoŭvajuć pažarnyja mašyny i mašyny chutkaj dapamohi. Ciapier jany pavinny jeździć u abjezd, tamu my zaklikajem hramadstva padumać pra heta», — zajaviŭ jon. Jon taksama adznačyŭ, što ŭłady Kitaja nie pahodziacca z patrabavańniami pratestoŭcaŭ.

«Kitaj nikoli nie pojdzie na kampramis ź niezakonnymi pahrozami ludziej», - skazaŭ Čunjinh.

Jon dadaŭ, što «asnoŭny zakon» daść mahčymaść ustanavić ŭsieahulnaje vybarčaje prava.

Pratestoŭcy ŭ Hankonhu znoŭ zaklikali da adstaŭki pryznačanaha Kitajem kiraŭnika administracyi horada Lan Čženjina. Jany chočuć dabicca mahčymaści samim vybirać haradskuju ŭładu. U noč na aŭtorak dziasiatki tysiač demanstrantaŭ zabłakavali vulicy, paralizavaŭšy dziełavy centr.

Udzielniki pratestaŭ niezadavolenyja tym, što ŭłady Kitaja chočuć sami adsiavać kandydataŭ na vybarach 2017 u Hankonhu.

Jak čakajecca, demanstracyi mohuć uzmacnicca napiaredadni Dnia ŭtvareńnia KNR — dziaržaŭnaha śviata, jakoje adznačajecca 1 kastryčnika.

U paniadziełak palicyja pakinuła svaje pazicyi.

Kitaj źviarnuŭsia da suśvietnaj supolnaści z prośbaj nie akazvać padtrymku «niezakonnym pratestam».

Ministerstva zamiežnych spravaŭ zajaviła ab nieprymalnaści luboha rodu ŭmiašańnia va ŭnutranyja spravy krainy.

Miž tym brytanski ŭrad ukazaŭ na nieabchodnaść pavažać prava na pratest.

«Vielmi važna, kab Hankonh abaraniaŭ hetyja pravy i kab žychary Hankonha mahli hetym pravam karystacca ŭ ramkach zakona», - zajaviŭ Foryn-ofis.

Šmatlikija kramy i banki začynienyja. Transpart taksama praktyčna nie pracuje.

Prychilniki demakratyi zaniali vialikuju častku centra horada.

Prychilniki demakratyi zaniali vialikuju častku centra horada.

Mnohija haspadary kramaŭ zajaŭlajuć, što začyniajuć dźviery nie z-za demanstracyj, a z-za aściaroh taho, što palicyja iznoŭ prymienić ślozaciečny haz.

Niekatoryja z tych, chto vyjšaŭ na vulicy ŭ paniadziełak, kažuć, što zrabili heta mienavita z-za taho, što ŭ niadzielu palicyja ŭžyła siłu.

Masavy ruch pratestu ŭ Hankonhu ŭ sacyjalnych sietkach ŭžo nazyvajuć «revalucyjaj parasonaŭ, bo ludzi, jakija vyjšli na vulicu, niasuć u rukach parasony.

U Hankonhu staić 30 hradusnaja śpiakota, tak što parasony abaraniajuć ad sonca, a akramia taho, niekatoryja ličać, što parasony mohuć pabaranić ad raspyleńnia aerazola.

U Hankonhu staić 30-hradusnaja śpioka, ale pratestoŭcy zastalisia načavać na vulicach, Reuters.com

U Hankonhu staić 30-hradusnaja śpioka, ale pratestoŭcy zastalisia načavać na vulicach, Reuters.com

Mnohija karystalniki Facebook mianiajuć svaje profilnyja fatahrafii na adlustravańnie žoŭtaj stužački abo žoŭtaha parasonika.

— u znak padtrymki ruchu pratestu. Prychilniki palicyi vyviešvajuć sinija stužački.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?