president.gov.by

president.gov.by

president.gov.by

president.gov.by

Tak zvany padatkovy manieŭr Rasiei moža stać vialikaj prablemaj u funkcyjanavańni JEAES. Pra heta siońnia zajaviŭ Alaksandr Łukašenka na sustrečy z členami savieta pałaty pradstaŭnikoŭ nacyjanalnaha schodu, pieradaje karespandent BiełTA.

«My razumiejem ŭsie pieravahi ekanamičnaj intehracyi, ale pry ŭmovie abaviazkovaha zachavańnia nacyjanalnych intaresaŭ, — adznačyŭ staršynia pałaty pradstaŭnikoŭ Uładzimir Andrejčanka. — U toj ža čas, jak nam stała viadoma sa ŚMI, u Rasijskaj Fiederacyi miarkujecca ŭnieści źmieny ŭ padatkovaje zakanadaŭstva, što tyčycca naftavaj haliny. Ich pryniaćcie, pavodle acenak śpiecyjalistaŭ, pryviadzie da źnižeńnia pastupleńnia srodkaŭ u biudžet Biełarusi, pahoršyć finansava-ekanamičnuju situacyju na naftapierapracoŭčych pradpryjemstvach krainy».

«Vy zakranuli vielmi važnaje pytańnie, jakoje tyčycca tak zvanaha padatkovaha manieŭru ŭ Rasijskaj Fiederacyi. Jon jakraz ŭviazany z ratyfikacyjaj našaj damovy», — skazaŭ Alaksandr Łukašenka.

Pavodle słovaŭ Łukašenki, padatkovy manieŭr Rasiei pryviadzie da značnych finansavych strat dla Biełarusi. «My nakiravali hrupu śpiecyjalistaŭ na čale z Uładzimiram Siamaškam, jaki viadzie pieramovy na hetuju temu. Kali taki krok budzie zrobleny z boku Rasijskaj Fiederacyi, heta stanie vielmi vialikaj prablemaj u funkcyjanavańni ciapierašniaha sajuza. Pa-pieršaje, tamu što my damaŭlalisia ab inšym. Pa-druhoje, kali robiacca niejkija dziejańni ŭ adnym kirunku, značyć, treba, kab u inšym była kampiensacyja. Heta niemaleńkija hrošy, jakija my ni ŭ jakim vypadku nie pavinny hublać», — padkreśliŭ Łukašenka.

«Kali nas pačynajuć paprakać, tady davajcie tak: my zadumali Mytny sajuz, zatym Jeŭrazijski sajuz — davajcie jaho pabudujem na kłasičnych pryncypach. Dzieści my hublajem, dzieści Rasija, Kazachstan. Ale dadzienaja arhanizacyja naohuł kłasična nie tryvaje nijakich vyklučeńniaŭ i abmiežavańniaŭ», — zaklučyŭ Alaksandr Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?