citydog.by

citydog.by

Pjanaja kampanija sprabavała zastupicca za zatrymanych u staličnym mietro dvuch maładych ludziej 24-ch i 25-i hadoŭ, u jakich byŭ znojdzieny skrutak z marychuanaj.

Pra heta paviedamiła pres-aficer UUS pa achovie Minskaha mietrapalitena Kaciaryna Viaršyckaja.

«Supracoŭniki treciaj roty patrulna-pastavoj słužby milicyi UUS pa achovie Minskaha mietrapalitena pa padazreńni ŭ niezakonnym abarocie narkotykaŭ na stancyi mietro «Puškinskaja» zatrymali dvuch chłopcaŭ 24-ch i 25-ci hadoŭ, jakija dla dalejšaha raźbiralnictva byli dastaŭleny ŭ pakoj milicyi.

Pry ahladzie ŭ adnaho ź ich u kišeni kurtki byŭ znojdzieny skrutak z 50-rublovaj kupiury z rečyvam raślinnaha pachodžańnia. Jak patłumačyŭ sam zatrymany, heta była marychuana», — raspaviała Kaciaryna Viaršyckaja.

Admaŭlać, što narkatyčnaje rečyva naležyć jamu, uładalnik skrutka nie staŭ.

Bolš za toje, jon raskazaŭ, što raniej časta ŭžyvaŭ spajs, ale paśla taho, jak atruciŭsia hetaj kurylnaj sumieśsiu i lačyŭsia ŭ psichijatryčnym dyspansiery, pierajšoŭ na marychuanu.

«Pakul u pakoi milicyi pravodziłasia raźbiralnictva, na dapamohu zatrymanym padaśpieli ich niećviarozyja siabry. Z usich sił jany sprabavali dapamahčy tavaryšam: uryvalisia ŭ słužbovaje pamiaškańnie, sprabavali zładzić bojku. Aktyŭnyja pryjacieli nie reahavali na nieadnarazovyja prapanovy supracoŭnikaŭ milicyi i słužby biaśpieki mietrapalitena nie ŭmiešvacca i pakinuć stancyju mietro», — adznačyła pres-aficer.

Takija supraćpraŭnyja dziejańni parušalnikaŭ nie zastalisia pa-za ŭvahaj: dvoje ź ich byli zatrymanyja za niepadparadkavańnie zakonnym patrabavańniam supracoŭnikaŭ milicyi i byli dastaŭleny ŭ UUS pa achovie Minskaha mietrapalitena dla razboru. Adzin z debašyraŭ — 33-hadovy minčanin — užo byŭ nieadnarazova sudzimy za ŭčynieńnie majomasnych złačynstvaŭ.

Dziejańniam usich pravaparušalnikaŭ dajecca pravavaja acenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?