U Lidskim rajonie paciarpieŭ krušeńnie samalot Su-25. Ab zahinułych abo paciarpiełych pakul niama źviestak.

30 vieraśnia ŭ Lidskim rajonie Hrodzienskaj vobłaści paciarpieŭ krušeńnie vajenny samalot Su-25. Pra heta TUT.BY paviedamili adrazu niekalki krynic. Infarmacyi ab zahinułych i paciarpiełych pakul niama.

Atrymać kamientar u Ministerstvie abarony pakul nie ŭdałosia.

Jak paviedamiła ŭ svaim Facebook Julija Hančarova, «na miescy krušeńnia samalota samalota ŭ Hrodzienskaj vobłaści ŭžo pačała pracavać śledčaja hrupa. Pa chodzie budziem infarmavać.

Zahinułych i paciarpiełych niama».

Jak dadaje Jeŭraradyjo, zdareńnie adbyłosia kala 11.50. Padčas praviadzieńnia płanavych palotaŭ Su-25 116-j šturmavoj avijacyjnaj bazy Vajenna-pavietranych sił i vojsk supraćpavietranaj abarony «ŭ vyniku pazaštatnaj situacyi zhubiŭ kiravańnie». Lotčyk katapultavaŭsia, jaho ŭžo znajšli, jon nie paciarpieŭ. 

Na ziamli paciarpiełych i razbureńniaŭ taksama niama — šturmavik zvaliŭsia ŭ biaźludnaj miascovaści, paviedamlaje By24.org.

Dla vyśviatleńnia pryčyn avijakatastrofy ŭ Ministerstvie abarony Biełarusi stvorana śpiecyjalnaja kamisija. Ab spynieńni palotaŭ Su-25 u pres-słužbie vajennaha viedamstva pakul nie paviedamlajuć.

By24.org dadaje, što samalot Su-25 byŭ raspracavany ŭ pačatku 1970-ch hadoŭ XX stahodździa ŭ savieckim AKB imia Paŭła Suchoha. Usiaho było vypuščana 1320 adzinak. U liku ekspłuatantaŭ Su-25 zastałosia tolki try krainy — Rasija, Ukraina i Biełaruś, usim im samaloty dastalisia paśla raspadu SSSR u pracesie padziełu majomaści savieckich VVS.

Usiaho na ŭzbrajeńni VPS Biełarusi da siońnia było 18 samalotaŭ Su-25 i 5 vučebna-bajavych SU-25UB. Usie jany bazujucca na aeradromie 116-j hvardziejskaj Radamskaj Čyrvanaściažnaj šturmavoj bryhady ŭ horadzie Lida.

Клас
Панылы сорам
Ха-ха
Ого
Сумна
Абуральна