U Breście 29 vieraśnia aŭtamabilist dapamoh zatrymać pjanaha kiroŭcu.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, u 19.15 35-hadovy žychar Bresckaha rajona, jaki ruchaŭsia pa vulicy Haŭryłava na «Piežo», źviarnuŭ uvahu na dziŭnyja manieŭry aŭtamabila «Chonda», što jechaŭ napieradzie jaho. Mužčyna pačaŭ pieraśledavać «Chondu» i paviedamiŭ u dziažurnuju čaść DAI, što, mahčyma, jaje kiroŭca znachodzicca ŭ stanie ałkaholnaha apjanieńnia.
U dvary adnaho z damoŭ pa vulicy Maskoŭskaj supracoŭnik darožna-patrulnaj słužby DAI pierakryŭ słužbovym aŭtamabilem ruch «Chondzie» i zapatrabavaŭ, kab kiroŭca vyjšaŭ z transpartnaha srodku. Toj, pakinuŭšy sałon, pačaŭ adšturchvać supracoŭnika Dziaržaŭtainśpiekcyi. Zatrymać kiroŭcu dapamoh aŭtamabilist, jaki ruchaŭsia za im. 44-hadovaha brestaŭčanina, jaki kiravaŭ «Chondaj», dastavili na miedycynski ahlad, dzie vyjavili 1,5 pramile kancentracyi ałkaholu ŭ parach vydychanaha pavietra.
U dačynieńni da parušalnika składzienyja administracyjnyja pratakoły za kiravańnie transpartnym srodkam u stanie ałkaholnaha apjanieńnia i za niepadparadkavańnie zakonnamu patrabavańniu słužbovaj asoby pry vykanańni im słužbovych paŭnamoctvaŭ.
Jak adznačyła Sacharčuk, z pačatku hoda ŭ Bresckaj vobłaści heta 15-ty vypadak, kali hramadzianie dapamahajuć supracoŭnikam DAI vyjaŭlać i praduchilać fakty kiravańnia ŭ niećviarozym vyhladzie.
