Navukoŭcy z Tajłanda zajavili, što znajšli vakcynu suprać lichamanki Eboła, ad jakoj u śviecie zahinuli ŭžo bolš za 3 tys. čałaviek.
Miedyki-daśledniki z banhkokskaha špitala Siriraj 2 kastryčnika na pres-kanfierencyi pradstaviać mahčymyja leki ad Eboły.
Paviedamlajecca, što dla praviadzieńnia daśledavańniaŭ śmiarotny virus u krainu nie pryvozili. Daśledavańni pravodzilisia z rodnasnym virusam, jaki vyklikaje hiemarahičnuju lichamanku.
Raniej u dakładzie Centra pa kantroli i prafiłaktycy zachvorvańniaŭ ZŠA paviedamlałasia, što kolkaść tych, chto zaraziŭsia śmiarotnaj lichamankaj Eboła pry najhoršym scenary da studzienia 2015 moža dasiahnuć 550 tys. — 1,4 młn čałaviek.
