Novyja vypadki afrykanskaj čumy śviniej (AČS) zarehistravany na terytoryi Litvy, paviedamlaje departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi.
Pavodle infarmacyi Mižnarodnaha epizaatyčnaha biuro, novyja vypadki zachvorvańnia zarehistravany na terytoryi Vilniuskaha pavieta Litvy.
Raniej Biełaruś uviała zabaronu na ŭvoz ź Litvy žyvych śviniej, śvininy (u tym liku dzikoŭ) i praduktaŭ jaje pierapracoŭki, skuranoj, rohakapytnaj i kišačnaj syraviny, ščacińnia, palaŭničych trafiejaŭ, atrymanych ad usprymalnych vidaŭ žyvioł, karmoŭ i karmavych dabavak dla žyvioł raślinnaha i žyviolnaha pachodžańnia, u tym liku z ryby i ptuški, karmavych dabavak dla košak i sabak, a taksama hatovych karmoŭ dla ich, jakija nie prajšli termičnuju apracoŭku i vyrableny ź litoŭskaj syraviny. Abmiežavańnie raspaŭsiudžvajecca na pastaŭki byłoha va ŭžyvańni abstalavańnia dla ŭtrymańnia, zarezu i raździełki śviniej.
Departamient dadatkova infarmuje ab nieabchodnaści pryniaćcia mier pa niedapuščeńni ŭvozu nazvanaha tavaru. «Adnačasova nieabchodna pryniać dadatkovyja miery kantrolu pa zabieśpiačeńni bijałahičnaj abarony bujnych śvinavodčych kompleksaŭ, śvinavodčych fierm i haspadarak usich form ułasnaści», — adznačyli ŭ Minsielhascharčy.
