Pravasłaŭny chram u honar śviaciciela Łuki Vojna-Jasianieckaha, archijepiskapa Simfieropalskaha i Krymskaha budzie pabudavany na vulicy Asipovickaj u Minsku.
Jak paviedamlaje biełaruski pravasłaŭny infarmacyjny partał sobor.by, 3 kastryčnika mitrapalit Minski i Słucki Pavieł, patryjaršy ekzarch usiaje Biełarusi, ažyćciavić čyn aśviačeńnia kryža i pamiatnaha kamienia na miescy budaŭnictva budučaha chrama.
Chram u honar śviaciciela Łuki Krymskaha budzie adnakupalnym, adnačasova ŭ im zmohuć znachodzicca da 250 čałaviek. Płanujecca, što ŭ chutkim časie budzie pabudavana časovaje pamiaškańnie dla bohasłužeńniaŭ.
Hienpadradčykam prajekta vystupaje prajektna-vyšukalnaje respublikanskaje ŭnitarnaje pradpryjemstva «Instytut «Biełčyhunkaprajekt».
Nahadajem, 28 vieraśnia kaŭčeh z čaścicaj moščaŭ śviaciciela Łuki Vojna-Jasianieckaha, archijepiskapa Simfieropalskaha i Krymskaha byŭ dastaŭleny ŭ minski Dom miłasernaści z Barysava. Dostup viernikaŭ da moščaŭ śviaciciela Łuki arhanizavany štodzionna z 8.00 da 22.00 z 29 vieraśnia pa 14 kastryčnika ŭklučna. Kaŭčeh z moščami prybyŭ u Biełaruś u miežach mižnarodnaha prajekta «Dni śviaciciela Łuki». Zvyčajna jon znachodzicca ŭ Śviata-Trajeckim žanočym manastyry Simfieropala.
