U Biełarusi paśla siońniašniaha krušeńnia vajskovaha samalota prypynienyja paloty šturmavikoŭ Su-25, paviedamili ŭ Minabarony.
Siońnia ŭ Lidskim rajonie Hrodzienskaj vobłaści ŭ čas płanavaha palotu pry vykanańni praktykavańnia kala 11.50 samalot Su-25 116-j šturmavoj avijacyjnaj bazy straciŭ kiravańnie ŭ vyniku niaštatnaj situacyi. Lotčyk, pierakanaŭšysia, što trajektoryja padzieńnia samalota znachodzicca pa-za nasielenymi punktami, katapultavaŭsia. Jon byŭ znojdzieny siłami pošukava-vyratavalnaj kamandy.
Na miescy krušeńnia ŭ ciesnym uzajemadziejańni sa śpiecyjalistami Ministerstva abarony pracuje śledča-apieratyŭnaja hrupa.
