Rasijski rubiel zaviaršyŭ horšy za 16 hadoŭ kvartał abnaŭleńniem absalutnych minimumaŭ da dołara i bivalutnaha košyka paśla paviedamleńniaŭ ab mahčymych abmiežavańniach ruchu kapitału, što karotkaterminova padahnali i tak niervovy rynak va ŭmovach łakalnaha deficytu valuty, kanfliktu na ŭschodzie Ukrainy, sankcyj Zachadu, tannaj nafty i hłabalnaha popytu na amierykanskuju valutu.
Jak paviedamlaje Reuters, suprać dołara rubiel straciŭ u trecim kvartale bolš za 16%, ź ich 6,5% — u vieraśni.
U aŭtorak, 30 vieraśnia, kurs dołara ŭźlacieŭ na adznaku 39,89 rubla, što stała histaryčnym pikam amierykanskaj valuty na rasijskich tarhach.
Bivalutny košyk ŭ hety ž čas na karotki čas zajšoz «za bujki» płavajučaha kalidora CB 35,40-44,40, sfarmavaŭšy absalutny maksimum na 44,47 rubla.
Heta adbyłosia paśla paviedamleńnia ahienctva Bloomberg ab tym, što CBR razhladaje mahčymaść uviadzieńnia časovych abmiežavańniaŭ na ruch kapitału ŭ vypadku ŭzmacnieńnia jaho adtoku z krainy. Pra heta ahienctvu paviedamili dvoje čynoŭnikaŭ, znajomych z abmierkavańniem. Abviaržeńnie Centrabanka dazvoliła razradzić situacyju.
Jeŭra tarhavaŭsia pablizu adznaki 49,95 rubla, hublajučy 9 kapiejek — tut rublu dazvolili zachavać tvar suśvietnyja tendencyi na pasłableńnie adzinaj jeŭrapiejskaj valuty, z-za čaho jaho kvartalnyja straty krychu mienš za 7%.
Suprać rubla ŭ aŭtorak spracavała i navina ab tym, što ES pakinuŭ u sile sankcyi suprać Rasii, jakuju Zachad abvinavačvaje ŭ padtrymcy sieparatystaŭ na ŭschodzie Ukrainy.
Uviadzieńnie zachodnich sankcyj, u tym liku abmiežavańnie dostupu na rynki kapitału šerahu najbujniejšych bankaŭ i naftavych kampanij RF, stała asnoŭnaj pryčynaj pasłableńnia rubla ŭ trecim kvartale.
U vieraśni dadatkovs cisk na rubiel, na dumku ŭdzielnikaŭ rynku, akazaŭ chatni aryšt kiraŭnika AFK Sistema Uładzimira Jeŭtušenkava, a hieapalityčnym faktaram niestabilnaści vystupili situacyja na paŭdniovym uschodzie Ukrainy i acenka stupieni ŭdziełu ŭ kanflikcie Rasii.
Suprać rubla adyhryvała i ŭmacavańnie amierykanskaj valuty na Foreksie — dołar uźlacieŭ da čatyrochhadovaha maksimumu da košyku valut i dvuchhadovaha maksimumu da jeŭra ŭ aŭtorak na fonie roznych čakańniaŭ u adnosinach da palityki FRS i JECB.
