Da kanca hoda internet-pravajdar «Atłant Telekam» płanuje zaviaršyć budaŭnictva sietki ŭ šerahu bujnych rajonaŭ Minska. U vyniku mahčymaść padklučycca da sietki apieratara atrymajuć bolš jak 100 tysiač novych domahaspadarak, paviedamili ŭ «Atłant Telekomie».
Pabudovu ŭłasnaj sietkavaj infrastruktury kampanija pačała ŭ 2007 hodzie ŭ Minsku. Siońnia «Atłant Telekam» raźvivaje svaje Ethernet-sietki ŭ Minsku, Homieli, Mahilovie i Viciebsku. Da kanca 2015 hoda technołohija Ethernet stanie dastupnaj i ŭ inšych rehijonach prysutnaści «Atłant Telekama».
Praz 14 hadoŭ z času zasnavańnia pasłuhami kampanii «Atłant Telekam» karystajucca amal 180 tysiač abanientaŭ, ź jakich bolš jak 110 tysiač pryvatnych abanientaŭ padklučany da sietki Ethernet. Ofisy adkrytyja va ŭsich abłasnych centrach Biełarusi, absłuhoŭvańniem ža klijentaŭ, budaŭnictvam i techničnaj padtrymkaj sietki, markietynham, pradažam i inšymi funkcyjami zajmajucca zvyš 400 čałaviek.
Niadaŭna «Atłant Telekam» adkryŭ u Minsku novy hałoŭny ofis. U im pradstaŭleny asnoŭnyja słužby kampanii, uklučajučy administracyju i padraździaleńni pa pracy z novymi i ciapierašnimi klijentami.
Novy hałoŭny ofis raźmiaściŭsia ŭ biźnies-centry «Pakroŭski» (praśpiekt Pieramožcaŭ, 100). Zaraz tut raźmieščany adździeły pryvatnaha pradažu, absłuhoŭvańnia karparatyŭnych i pryvatnych abanientaŭ, śpiecyjalisty pa markietynhu i top-mieniedžary «Atłant Telekam». Adździeł karparatyŭnaha prodažu znachodzicca pa-raniejšamu ŭ ofisie pa adrasie praśpiekt Puškina, 39.
Kampanija na praciahu niekalkich miesiacaŭ zachavaje mahčymaść padklučeńnia i absłuhoŭvańnia pryvatnych klijentaŭ, a taksama absłuhoŭvańnia karparatyŭnych klijentaŭ u Minsku ŭ ofisie pa adrasie: praśpiekt Puškina, 39. Paśla hetyja adździeły buduć znachodzicca tolki pa adrasie ofisa ŭ biźnies-centry «Pakroŭski» na praśpiekcie Pieramožcaŭ.
