Biełaruskaja čyhunka i AAT «Rasijskija čyhunki» z 1 kastryčnika pašyrajuć śfieru prymianieńnia raniej uviedzienych śpiectaryfaŭ na prajezd u niekatorych ciahnikach u znosinach Biełaruś — Rasija, paviedamili ŭ pres-słužbie BČ.
Čyhunki dźviuch krain prymianiajuć užo śpiecyjalnyja taryfnyja płany na prajezd u ciahnikach numar 50/49 Brest — Sankt-Pieciarburh, numar 52/51 Minsk — Sankt-Pieciarburh, numar 78/77 Hrodna — Maskva, numar 104/103 Brest — Novasibirsk, numar 376/375 Homiel — Adler, numar 11/12 Maskva — Minsk, numar 35/36 Sankt-Pieciarburh — Brest, numar 548/547 Minsk — Anapa, numar 4/3 Brest — Maskva, numar 7/8 Maskva — Brest, numar 113/114 Novasibirsk — Brest. Jany praduhledžvajuć, u pryvatnaści, skidki ŭ zaležnaści ad terminaŭ nabyćcia biletaŭ ad 10 pracentaŭ da 15 pracentaŭ da ahulnaha koštu prajezdu pa terytoryi dźviuch krain (u vahonach usich typaŭ, akramia ahulnych).
Z 1 kastryčnika śpiectaryfy raspaŭsiudžvajucca na ciahniki numar 56/55 Homiel — Mahiloŭ — Maskva, numar 58/57 Hrodna — Sankt-Pieciarburh, numar 64/63 Minsk — Novasibirsk, numar 66/65 Minsk — Murmansk, numar 68/67 Brest — Sarataŭ, numar 76/75 Brest — Maskva, numar 83/84 Homiel — Sankt-Pieciarburh, numar 132/131 Brest — Maskva, numar 134/133 Minsk — Archanhielsk, numar 302/301 Minsk — Adler, numar 390/389 Minsk — Anapa, numar 446/445 Minsk — Minieralnyja Vody.
U pres-słužbie BČ źviarnuli ŭvahu, što nazvanyja taryfnyja ŭmovy prymianiajucca pry prajeździe ŭ mižnarodnych znosinach pamiž Biełaruśsiu i Rasijaj i nie dziejničajuć pry afarmleńni prajaznych dakumientaŭ u miežach Biełarusi, a taksama pry pieravozcy arhanizavanych hrup pasažyraŭ.
