Najbahaciejšym biznesoŭcam Estonii nazvany čyhunačny mahnat Asinoŭski.
Ź minułaha hoda ŭładalnik Skinest Grupp viadzie pieramovy ab pašyreńni biznesu na Biełaruś.
Bahaćcie Aleha Asinoŭskaha hazieta Äripäev acaniła ŭ 286,3 młn jeŭra. U minułym hodzie jon taksama zajmaŭ pieršaje miesca ŭ top-500 samych bahatych pradprymalnikaŭ Estonii.
Asinoŭski vałodaje bujnym čyhunačnym kancernam Skinest Rail, jaki pracuje na rynkach Estonii, Łatvii, Litvy, Polščy, Rasii, Hruzii, Finlandyi, Ukrainy. Chołdynh zajmajecca budaŭnictvam i prodažam čyhunačnaha ruchomaha składu, vytvorčaściu i realizacyjaj zapčastak dla ruchomaha sastavu, ramontam i zdačaj u arendu vahonaŭ i cysternaŭ, budaŭnictvam i ramontam čyhunak i prodažam materyjałaŭ dla ich. Asinaŭskamu naležyć Daŭhaŭpiłski łakamatyvaramontny zavod.
Taksama Skinest Grupp naležać pradpryjemstvy ŭ nieruchomaści, na finansavym rynku, u retejle, u alternatyŭnaj enierhietycy.
U siaredzinie minułaha hoda Aleh Asinoŭski zajaviŭ, što płanuje vyjści na biełaruski rynak i adkryć u Minsku ofis Skinest Grupp.
