Niezaležny instytut sacyjalna-ekanamičnych i palityčnych daśledavańniaŭ apublikavaŭ źviestki vieraśnioŭskaha apytańnia biełarusaŭ.
Zhodna ź im kolkaść praciŭnikaŭ intehracyi ź Jeŭrasajuzam pastupova pavialičvajecca ŭžo druhi kvartał zapar. Takoha nie było na praciahu piaci hadoŭ. Na hipatetyčnym refierendumie ab ustupleńni ŭ ES «za» siońnia prahałasavali b 25%, «suprać» 50.3% (u śniežni ličby byli amal adnolkavymi 35.9% vs. 34.6%). U toj ža čas i dałučacca da Rasii biełarusy nie vielmi prahnuć. Na refierendumie ab abjadnańni Biełarusi i RF «za» prahałasavali b tolki 23%, a «suprać» 54,3%.
Na bazavym kulturna-psichałahičnym uzroŭni absalutnaja bolšaść biełarusaŭ pa-raniejšamu ličać siabie bližej da ruskich, čym da jeŭrapiejcaŭ: 73,6% vs. 25,4%.
Pry hetym, bolšaść apytanych vykazałasia suprać raźmiaščeńnia na terytoryi Biełarusi rasiejskich vajskovych baz. Ale ž na pytańnie: «Kali b Rasija uzbrojenym šlacham pasprabavała dałučyć da siabie ŭsiu terytoryju Biełarusi abo jaje častku, jak by Vy dziejničali?»
25,9% skazali «supraciŭlaŭsia b sa zbrojaj u rukach», 39,7%, - «imknuŭsia b prystasavacca da novaj situacyi», 13,3% - «vitali b hetyja źmieny».
Aceńvajučy ž dałučeńnie Kryma da Rasii, nazvali jaho «impieryjalistyčnym zachopam, akupacyjaj» tolki 27,2%, a «viartańniem Rasii ruskich ziamiel, adnaŭleńniem histaryčnaj spraviadlivaści» — amal 60%.
Vykarystańnie ukrainskimi ŭładami uzbrojenych sił dla adnaŭleńnia kantrolu nad Danbasam aceńvajuć jak «zakonnaje padaŭleńnie ŭzbrojenaha miaciažu» 12%, a jak «žorstkuju, ale vymušanuju mieru» — 19%, a jak «złačynstva, vajnu suprać svajho naroda» — 60,6%.
