U Amsterdamie adčyniŭsia pieršy ŭ śviecie zaapark mikrobaŭ (Mikropija). Mikropija nahadvaje vializnuju łabaratoryju, dzie mieścicca mnostva mikraskopaŭ, dałučanych da vialikich ekranaŭ.
Mikropija raźmiaščajecca pobač z haradskim zaaparkam Arcis, dyrektar jakoha šmat hadoŭ maryŭ adkryć dla naviedvalnikaŭ cudoŭny śviet mikraŭzroŭniu žyvoj pryrody.
Razmnažeńnie mikraarhanizmaŭ demanstrujecca z dapamohaj trochmiernaha mikraskopa. Akramia hetaha ŭ novym zaaparku jość śpiecyjalnyja skaniery, jakija pakazvajuć, kolki mikrobaŭ zaraz žyvie na ciele naviedvalnika, i dzie mienavita jany znachodziacca.
«Mikroby paŭsiul, tamu mikrabijołahi nieabchodnyja praktyčna kožnamu siektaru ekanomiki: achovie zdaroŭja, charčovaj pramysłovaści, budaŭnictvu, naftahazavaj halinie, farmaceŭtycy. Kali my pakiniem mikrabijałohiju nievialikaj hrupie ekśpiertaŭ, u ludziej nikoli nie pračniecca da jaje cikavaść. Naša meta — pakazać naviedvalnikam, što ŭ pryrodzie ŭsio ŭzajemaźviazana i što mikroby źjaŭlajucca najvažniejšaj častkaj hetych suviaziaŭ», — raspavioŭ dyrektar Mikropii Chejh Balan.
