Biełaruś i Rasija prapracoŭvajuć pytańnie ab pryniaćci prahramy sumiesnych dziejańniaŭ u halinie raźvićcia aŭtamabilnych daroh. Ab hetym 1 kastryčnika paviedamiŭ pieršy namieśnik ministra transpartu i kamunikacyj Biełarusi Jaŭhien Rahačoŭ.
Pavodle jaho słoŭ, u Biełarusi viadziecca aktyŭnaja rabota pa madernizacyi aŭtadaroh. Kali ŭ respublicy jakaść aŭtadarohi pavyšajecca da pieršaj katehoryi, to razumna, kab hety kalidor na takim ža ŭzroŭni jakaści praciahvaŭsia i na rasijskaj terytoryi. «Ciapier abmiarkoŭvajecca pytańnie takoj pierajemnaści pa darozie M5 Minsk — Homiel, kab dalej pa Poŭdni Rasii zachoŭvałasia jakaść hetaj darohi. U płanach — pavyšeńnie kateharyjnaści darohi M6 Minsk — Hrodna», — dadaŭ Jaŭhien Rahačoŭ.
Aŭtamabilnuju darohu M5 Minsk-Homiel na ŭčastku Žłobin-Homiel, rekanstrukcyja jakoj pačałasia viasnoj 2012 hoda, płanujecca ŭvieści ŭ ekspłuatacyju da kanca 2014 hoda. Paśla zaviaršeńnia rabot jana stanie ŭ dva razy šyrejšaj i budzie adpaviadać jeŭrapiejskim patrabavańniam. Pačać rekanstrukcyju aŭtamabilnaj darohi M6 Minsk — Hrodna da paramietraŭ pieršaj katehoryi praduhledžvajecca ŭ pačatku 2015 hoda, raboty płanujecca vykonvać za košt kredytnych srodkaŭ Suśvietnaha banka.
