Minharvykankam budzie pastupova zamianiać piasčana-solevyja sumiesi suprać hałalodu na sumiesi, zasnavanyja na adchodach cukrovaj vytvorčaści (miełasy),
paviedamiŭ na bryfinhu ŭ Minsku 1 kastryčnika pieršy namieśnik staršyni harvykankama Uładzimir Kucharaŭ.
«My płanujem i dalej vykarystoŭvać hetyja sumiesi i pastupova zamiaščać standartnyja piasčana-solevyja sumiesi, jakija prynosiać peŭnuju škodu i navakolnamu asiarodździu, i mietaličnym kanstrukcyjam», — skazaŭ jon.
Pavodle słoŭ Kucharava, letaś u poŭnaj miery vykarystoŭvać novyja sumiesi nie ŭdałosia, bo zima była małaśniežnaja i vialikaj kolkaści reahientaŭ nie zapatrabavałasia. «U toj pieryjad, kali novy skład vykarystoŭvaŭsia, jon zarekamiendavaŭ siabie z dobraha boku. Samaja hałoŭnaja jaho pieravaha — jon nie vyklikaje karoziju, što dobra i dla aŭtamabilaŭ, i dla aharodžaŭ. Tamu my budziem praciahvać miełasu vykarystoŭvać. Nieabchodny zapas hetych sumiesiaŭ narychtavany, i im zacikavilisia niekatoryja zamiežnyja partniory, jakija zaklučyli kantrakty na pastaŭku», — zajaviŭ čynoŭnik.
Jon adznačyŭ, što kali letaś sumiesi vykarystoŭvalisia ŭ asnoŭnym na dvarovych terytoryjach, to hetaj zimoj płanujecca imi pasypać i prajeznuju častku. «Vyvučany ŭłaścivaści sumiesiaŭ va ŭmovach vialikich chutkaściej, sčapleńnie kołaŭ z darohaj, i «Ramaŭtadar» budzie ich vykarystoŭvać», — paviedamiŭ pradstaŭnik harvykankama.
