Vałhahradski abłasny sud razhladzieŭ skarhu McDonald's na rašeńnie Varašyłaŭskaha rajonnaha suda, jaki zakryŭ punkty charčavańnia na dva miesiacy, i pryniaŭ niestandartnaje rašeńnie: dazvoliŭ adkryć restaran dla klijentaŭ, ale zabaraniŭ ich karmić i paić.
8 vieraśnia sud zakryŭ u Vałhahradzie dva restarany McDonald's, bo u ich znajšli kišačnuju pałačku. Adnak administracyja restaranaŭ chutkaha charčavańnia z takim rašeńniem nie pahadziłasia i abskardziła hetaje rašeńnie ŭ vyšejšaj instancyi.
Abłsud źmianiŭ rezalucyjnuju častku pastanovy i prypyniŭ na 60 dzion tolki dziejnaść, źviazanuju z arhanizacyjaj hramadskaha charčavańnia, paviedamili ŭ pres-słužbie abłasnoha suda. Heta aznačaje, što McDonald's moža adčynić svaje dźviery dla naviedvalnikaŭ, ale hatavać i pradavać stravy jany nie majuć prava.
Masavyja pravierki amierykanskaj sietki McDonald's pačalisia paśla abviaščeńnia Rasijaj ab uviadzieńni praduktovaha embarha ŭ adkaz na sankcyi ZŠA i ES suprać Maskvy ŭ suviazi z ukrainskim kryzisam. U Rasspažyŭnahladzie pa-raniejšamu zapeŭnivajuć, što pravierki ŭ restaranach McDonald's nosiać płanavy charaktar i nie źviazanyja z apošnimi palityčnymi padziejami.
