Nastupnaja viersija apieracyjnaj sistemy ad Microsoft budzie nazyvacca Windows 10. Pra heta paviedamili ŭ aŭtorak pradstaŭniki hetaj amierykanskaj kampanii na sustrečy z žurnalistami ŭ San-Francyska.
Na joj było, u pryvatnaści, zajaŭlena, što raspracoŭščyki novaj AS vyrašyli «pieraskočyć» dzieviatuju viersiju pradukta i vykarystoŭvać napracoŭki, jakija rychtavalisia dla jaje, u novym varyjancie sistemy. Jak udakładniajecca, u im buduć adnoŭlenyja niekatoryja raniejšyja, jakija stali ŭžo tradycyjnymi, funkcyi, što adsutničali ŭ papiaredniaj AS Windows 8, što vyklikała niezadavolenaść karystalnikaŭ.
U Microsoft uličyli hetyja pažadańni i zapeŭnili karystalnikaŭ u tym, što pry pracy z novaj viersijaj sistemy ŭ ich nie budzie prablem, niezaležna ad taho, jakoj AS Windows jany karystajucca ŭ ciapierašni čas. Bolš padrabiazna navinka budzie pradstaŭlena paźniej, paviedamili ŭ kampanii.
Napiaredadni sustrečy jaje arhanizatary padkreślili, što heta budzie «ścipłaj padziejaj» biez bujnych prezientacyj. «Heta chutčej šaniec dla kampanii dać karystalnikam Windows infarmacyju ab pieramienach, što adbyvajucca ŭ joj», — havorycca ŭ raspaŭsiudžanaj zajavie Microsoft.
