Urad płanuje abmierkavać u pačatku kastryčnika mahčymy pierachod Biełarusi na zimovy čas, paviedamiŭ staršynia Dziaržaŭnaha kamiteta pa standartyzacyi Viktar Nazaranka.
Vypracoŭkaj rekamiendacyj pa paradku vyličeńnia času ŭ Biełarusi zajmajecca Mižhalinovaja kamisija času, častaty i vyznačeńnia paramietraŭ viarčeńnia Ziamli, u skład jakoj uvachodziać pradstaŭniki Ministerstva achovy zdaroŭja, Mintransa, Minenierha, Nacyjanalnaj akademii navuk i inšych zacikaŭlenych orhanaŭ kiravańnia i ŭstanoŭ. «Kamisija nakiravała svaje prapanovy va ŭrad. U pačatku kastryčnika adbudziecca pasiadžeńnie Prezidyuma Savieta Ministraŭ, na jakim heta pytańnie budzie abmiarkoŭvacca», - kanstatavaŭ Viktar Nazaranka.
Pry hetym jon padkreśliŭ, što Dziaržstandart nie bačyć dastatkova padstaŭ dla pierachodu krainy na zimovy čas. «Tych abhruntavańniaŭ, jakija pradstavili asobnyja orhany dziaržkiravańnia na karyść pieravodu strełak hadzińnikaŭ, niedastatkova. My nie pieravodzili b čas, a zachavali b tak, jak siońnia ŭ Biełarusi jość», - adznačyŭ Viktar Nazaranka.
Biełaruś admoviłasia ad pierachodu na siezonny čas u 2011 hodzie.
Heta rašeńnie było pryniata pastanovaj Savieta Ministraŭ ad 15 vieraśnia 2011 hoda №1229 z metaj zabieśpiačeńnia na terytoryi respubliki ŭzhodnienaha ź dziaržavami - udzielnicami Mytnaha sajuza vyličeńnia času, a taksama poŭnaha vykarystańnia śvietłaha času sutak, palapšeńnia ŭmoŭ pracy i adpačynku nasielnictva respubliki. Z 2011 hoda admianiła siezonny pieravod strełak i Rasija.
Adnak 1 lipienia 2014 hoda Dziaržduma Rasijskaj Fiederacyi pryniała rašeńnie viarnuć u krainu zimovy čas.
Pieravod strełak budzie praviedzieny 26 kastryčnika 2014 hoda. Na rasijskaj terytoryi ŭstanaŭlivajecca 11 časavych zon. Maskoŭski čas budzie źjaŭlacca zychodnym pry vyličeńni miascovaha času ŭ hetych zonach.
