Mitrapalit Minska-Mahiloŭski arcybiskup Tadevuš Kandrusievič sustreŭsia z papam rymskim Franciškam, paviedamlaje catholic.by.
Z 1 pa 3 kastryčnika ŭ Rymie prachodzić plenarnaje pasiadžeńnie Papskaj rady Justitia et pax, pryśviečanaje piataj hadavinie vydańnia encykliki Bieniedykta XVI Caritas in veritate, u jakim biare ŭdzieł arcybiskup Kandrusievič.
2 kastryčnika z udzielnikami pasiadžeńnia sustreŭsia pantyfik. Papa rymski nahadaŭ pra aktualnaść Caritas in veritate — «fundamientalnaha dla jevanhielizacyi sacyjalnaj śfiery» dakumienta, jaki daje kaštoŭnyja ŭkazańni dla prysutnaści katolikaŭ u hramadstvie, ekanomicy i palitycy.
Padčas asabistaj sustrečy Tadevuš Kandrusievič padziakavaŭ pantyfiku za jaho navučańnie i kłopat pra kaścioł u Biełarusi. «Ja padyšoŭ da papy i padziakavaŭ za jaho słovy, za toje, što svaim navučańniem jon daje nadzieju sučasnamu śvietu, asabliva tym, chto znachodzicca ŭ biadzie, a taksama za jaho kłopat ab kaściole ŭ Biełarusi. Papa skazaŭ, što ŭ svaich dumkach jon zaŭsiody pamiataje ab Biełarusi i molicca za jaje», — cytuje partał arcybiskupa Kandrusieviča.
