NAK «Naftahaz Ukrainy» paćvierdziŭ padpisańnie kantraktu na pastaŭki pryrodnaha hazu z narviežskaj kampanijaj Statoil i pačatak jaho pastavak z 1 kastryčnika praz Słavakiju.
«Heta pieršaje takoje pahadnieńnie pamiž «Naftahazam» i Statoil, jano pašyraje puł pastaŭščykoŭ hazu va Ukrainu, a taksama adkryvaje novy rynak dla Statoil», — adznačyli ŭ pres-słužbie NAK «Naftahaz Ukrainy».
Raniej krynica paviedamiła ahienctvu «Interfaks-Ukraina», što kiraŭnik praŭleńnia NAK «Naftahaz Ukrainy» Andrej Kobaleŭ 25 vieraśnia naviedaŭ štab-kvateru narviežskaj naftahazazdabyŭnaj kampanii Statoil ŭ Stavanhiery, biez udakładnieńnia detalaŭ vizitu.
Pavodle infarmacyi pres-słužby, «Naftahaz Ukrainy» z 1 kastryčnika pačaŭ atrymlivać pryrodny haz pa kantrakcie z narviežskaj naftahazazdabyŭnyj kampanijaj Statoil. Pastaŭki paliva ažyćciaŭlajucca praz słavacki hazavy kalidor u abjomie kala 12-15 młn kub. m/sutki.
Jak paviedamlałasia, Ukraina ŭ vieraśni 2014 impartavała z boku Jeŭropy 986 młn kub. m pryrodnaha hazu. Z boku Słavakii va Ukrainu pastupiła 779 młn kub. m hazu, z boku Polščy — 117 młn kub. m, z boku Vienhryi — 90 młn kub. m.
