Litoŭski siejm vystupiŭ ź inicyjatyvaj stvaryć ahulny fond vajennaj dapamohi Ukrainie, kudy krainy-členy ES zmohuć dobraachvotna ŭnosić ad 1% da 3% ad hrošaj, jakija vyłučajucca im sa strukturnych fondaŭ Jeŭrasajuza. Adpaviedny dakumient płanujecca pradstavić lidaram dziaržaŭ-členaŭ ES u śniežni hetaha hoda.
Ab hetym piša 15min.lt sa spasyłkaj na adnaho z aŭtaraŭ inicyjatyvy — staršyniu parłamienckaha kamiteta pa zamiežnych spravach sacyjał-demakrata Bieniedyktasa Juodka.
Juodka zajaviŭ, što hety prajekt stanie dla Ukrainy čymści nakštałt «płana Maršała» (ekanamičnaj dapamohi Jeŭropie ad ZŠA paśla Druhoj suśvietnaj vajny).
«Heta kankretny prykład našaj stratehičnaj dapamohi Ukrainie. Viadoma, ja nie mahu skazać, ci padtrymaje jaho Jeŭraparłamient, adnak ja maju namier pradstavić hety prajekt u pačatku śniežnia na sustrečy staršyniaŭ kamitetaŭ zamiežnych spraŭ nacyjanalnych parłamientaŭ krain-členaŭ ES z kiraŭnikom źniešniepalityčnaha viedamstva ES Fiederykaj Mahieryni», — adznačyŭ Juodka.
Deputat skazaŭ, što pa vynikach apošniaha samitu NATA Ukrainie nie moža być pradastaŭlena vajennaja dapamoha ŭ ramkach aljansu, adnak krainy majuć prava rabić heta samastojna. Uličvajučy heta, ministerstva abarony Litvy zaraz razhladaje mahčymaść pradastaŭleńnia takoj dapamohi Ukrainie.
«U bližejšy čas ministerstva abarony Litvy pradstavić parłamientu kankretny płan dapamohi. A deputaty vyrašać, prymać jaho ci nie», — paviedamiŭ Juodka.
Adnak u viedamstvie abviarhajuć takuju mahčymaść, adznačajučy, što Litva hatovaja davać ukraincam tolki humanitarnuju dapamohu.
