Paśla vybaraŭ Siejma niama nieabchodnaści ŭ stvareńni «viasiołkavaha ŭrada». Pra heta ŭ intervju prahramie «Ničoha asabistaha» na TV3 zajaviła premjer Łatvii Łajmdota Straŭjuma («Adzinstva»).

«Ušakoŭ — pradstaŭnik sacyjał-demakratyčnaha kirunku. My — kansiervatyŭnyja, prava-centrysckija. Heta dva roznyja napramki. U jeŭrapiejskich krainach jany majuć efiekt kivača: abo ŭrad sacyjał-demakrataŭ, abo ŭrad kansiervataraŭ», — zajaviła jana.

«Nie dumaju, što treba stvarać viasiołkavy ŭrad, kali jość mahčymaść praciahvać pracu ŭ dziejučaj kaalicyi», — miarkuje Straŭjuma.

Palityk dadała, što kaalicyja pa-raniejšamu maje bolšaść u parłamiencie. U paniadziełak pačnucca kansultacyi z partniorami, kab vyśvietlić ich mierkavańnie ab dalejšaje pracy.

Mer Ryhi Nił Ušakoŭ nastojvaje, što prezidentu Andrysu Bierzińšu varta było b davieryć stvareńnie ŭrada «Zhodzie» [jakaja farmalna vyjhrała vybary 4 kastryčnika].

Palityk raspavioŭ, što tracina abranych ad partyi deputataŭ — łatyšy, a taksama ŭ partyi buduć try novyja deputaty.

U prarasijskaj partyi «Zhoda» u 12-m Siejmie Łatvii budzie 24 deputaty.

23 mandaty atrymała partyja «Adzinstva», 21 — Sajuz «zialonych» i sialan. Nacyjanalnaje abjadnańnie zavajavała 17 miescaŭ u parłamiencie, jakija, vidać, i sfarmujuć kaalicyju.

Rehijanalnaje abjadnańnie buduć pradstaŭlać vosiem deputataŭ, No sirds Latvijai — siem.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?