Kiraŭnikom arhkamiteta pa stvareńni partyi «Biełaruskaja chryścijanskaja demakratyja» ŭ Minskaj vobłaści abrany Pavieł Prakapovič.
Adpaviednaje rašeńnie było pryniata 4 kastryčnika ŭ Minsku na abłasnoj spravazdačna-vybarnaj kanfierencyi arhkamiteta BCHD.
U kanfierencyi, paviedamlaje pres-słužba BCHD, brali ŭdzieł bolš za 20 čałaviek z roznych haradoŭ vobłaści, a taksama kiraŭniki arhkamiteta Pavieł Sieviaryniec, Vital Rymašeŭski, Dzianis Sadoŭski i kaardynatar kampanii «Narodny kantrol» Volha Kavalkova.
Na kanfierencyi pryniata rezalucyja ŭ padtrymku namieru ŭład ab pavieličeńni kolkaści hadzin vykładańnia biełaruskaj movy ŭ siaredniaj škole, adnak zrabić heta prapanoŭvajecca za košt hadzin, pryznačanych dla vykładańnia ruskaj movy, a nie anhlijskaj.
Padčas kanfierencyi byli abmierkavany kampanii, jakija pravodzić BCHD, a taksama pierśpiektyvy prezidenckaj kampanii 2015 hoda i dziejnaści Minskaj abłasnoj arhanizacyi na nastupnaje paŭhodździe.