U dačynieńni da 25-hadovaha žychara Bresta raspačata sprava na padstavie art. 364 KK (nasille abo pahroza ŭžyvańnia nasilla ŭ dačynieńni da supracoŭnika orhanaŭ unutranych spraŭ).
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, 5 kastryčnika kala 5.00 u Breście na vulicy Puškinskaj supracoŭniki bataljona darožna-patrulnaj słužby DAI, jakija ažyćciaŭlali nahlad za biaśpiekaj darožnaha ruchu, padali vadzicielu «Aŭdzi 100 « sihnał ab spynieńni.
Praihnaravaŭšy jaho, vadziciel aŭtamabila, 25-hadovy brestaŭčanin, pačaŭ uciakać. Padčas pieraśledu supracoŭniki Dziaržaŭtainśpiekcyi spynili «Aŭdzi» na vulicy Karbyšava.
«Pry zatrymańni vadziciel, kab pieraškodzić zakonnaj dziejnaści supracoŭniku orhanaŭ unutranych spraŭ, prymianiŭ nasille, stuknuŭšy hałavoj u tvar inśpiektara bataljona DPS DAI UUS, jaki znachodziŭsia pry vykanańni słužbovych abaviazkaŭ. Hetym pryčyniŭ jamu cialesnyja paškodžańni ŭ vyhladzie pierałomu nosa», — dapoŭniła Sacharčuk.
Ad prachodžańnia miedycynskaha ahladu vadziciel admoviŭsia i zajaviŭ, što, pierad tym jak sieści za rul, užyvaŭ śpirtnoje. Ustanoŭlena, što ŭ jaho nikoli nie było vadzicielskich pravoŭ.
U dačynieńni da 25-hadovaha brestaŭčanina byli składzieny čatyry administracyjnyja pratakoły: za kiravańnie ŭ stanie ałkaholnaha apjanieńnia; za kiravańnie transpartnym srodkam biez prava kiravańnia; za nievykanańnie patrabavańnia ab spynieńni aŭtamabila; za parušeńnie praviłaŭ prypynku i stajanki transpartnaha srodku.
Akramia taho, pratakoły na padstavie art. 17.1 KoAP (drobnaje chulihanstva) byli składzieny ŭ dačynieńni da dvuch pasažyraŭ «Aŭdzi»: chłopca i dziaŭčyny, jakija sprabavali pieraškodzić zatrymańniu vadziciela.
Fihurant kryminalnaj spravy źmieščany ŭ izalatar časovaha ŭtrymańnia. Raniej jon byŭ nieadnarazova sudzimy, u tym liku za asabliva ciažkaje złačynstva.
