Ministerstva architektury i budaŭnictva Biełarusi prapanuje ŭklučyć u novy hienieralny płan raźvićcia Minska ziemli ŭnutry druhoj kalcavoj aŭtadarohi. Ab hetym zajaviŭ siońnia žurnalistam namieśnik ministra Dźmitryj Siemiankievič.
«Horad Minsk pakul nieachvotna idzie na takuju traktoŭku raźvićcia biełaruskaj stalicy — ułady ŭsio ž taki bačać siabie abmiežavanymi miežami pieršaj kalcavoj aŭtadarohi, jany nie chočuć bačyć prablemy, jakija akružajuć Minsk. Ale my nastojliva prapanujem uklučyć u hienpłan Minska ziemli ŭnutry druhoj kalcavoj aŭtadarohi», — adznačyŭ Dźmitryj Siemiankievič.
Namieśnik ministra padkreśliŭ, što rajony, jakija znachodziacca pamiž pieršaj i druhoj kalcavymi aŭtadarohami, choć i stvaralisia abłasnymi strukturami, ale ich žychary ŭ bolšaści pracujuć na pradpryjemstvach Minska. «Miž tym, treba pryznać, što siońnia pa jakaści žyćcia, pa jaho nasyčanaści hetyja terytoryi vielmi mocna adstajuć ad stalicy. Tamu my nastojvajem, kab źjaviłasia adzinaja zona, jakaja budzie prymykać da druhoj kalcavoj aŭtadarohi, jakaja była b surjozna razhledžana z punktu hledžańnia stvareńnia transpartnaj i inžyniernaj infrastruktur», — kanstatavaŭ jon.
Taksama Dźmitryj Siemiankievič padkreśliŭ važnaść zachavańnia zialonych terytoryj vakoł Minska. «Viadoma, možna zrazumieć vobłaść, jakaja starajecca zabudavać prylehłyja da Minska ziemli, tamu što jany cudoŭna vykuplajucca, heta dobry prybytak dla abłasnoha biudžetu. Ale dla Minska heta važniejšyja terytoryi z punktu hledžańnia zachavańnia narmalnaj ekałahičnaj situacyi ŭ samim horadzie. Tamu Minsk pavinien być zacikaŭleny, kab hetyja zialonyja zony zachavać», — upeŭnieny Dźmitryj Siemiankievič.
