Prezident Ukrainy Piatro Parašenka prapanavaŭ narodnym deputatam razhledzieć jak pieršačarhovyja prajekty pastanoŭ ab uniasieńni źmienaŭ u miežy rajonaŭ Łuhanskaj vobłaści.
Pra heta jon skazaŭ na naradzie z kiraŭnikami frakcyj i deputackich hrup.
Pavodle infarmacyi, prajekty pastanoŭ unios na razhlad Viarchoŭnaj Rady staršynia Łuhanskaj abłasnoj dziaržaŭnaj administracyi Hienadź Maskal.
Pastajanny pradstaŭnik prezidenta ŭ parłamiencie Rusłan Kniazievič ličyć, što nieabchodnaść razhladu hetaha pytańnia ŭźnikła ŭ suviazi z tym, što peŭnyja rajony Łuhanskaj vobłaści častkova nie kantralujucca ŭkrainskimi ŭładami.
«Dla naležnaha kiravańnia hetymi terytoryjami i zabieśpiačeńnia žyćciadziejnaści hetych rajonaŭ Łuhanskaj vobłaści treba ŭnieści źmieny ŭ miežy rajonaŭ Łuhanskaj vobłaści i dałučyć da tych rajonaŭ, jakija my kantralujem», — skazaŭ jon, kamientujučy prajekty pastanoŭ.
Pa słovach Kniazieviča, na naradzie z prezidentam hetaja inicyjatyva abmiarkoŭvałasia deputatami, i ŭsie biez vyklučeńnia pradstaŭniki parłamienckich frakcyj i hrup, a taksama staršynia Viarchoŭnaj Rady jaje padtrymali.
«Heta važnaje rašeńnie, jakoje dazvolić paśla jaho pryniaćcia nieadkładna adkryvać u hetych rajonach terytaryjalnyja adździaleńnia Dziaržkaznačejstva, vypłačvać ludziam piensii i zarabotnyja płaty, ažyćciaŭlać uvieś pakiet sacyjalnych pasłuh, abaviazacielstvy pa jakich niasie dziaržava. Heta samaje važnaje, čaho čakajuć žychary Łuhanščyny siońnia», — adznačyŭ Kniazievič, cytuje jaho pres-słužba prezidenta.