Prezident Ukrainy Piatro Parašenka stvaryŭ kamitet pa pytańniach raźviedki pry prezidencie i pryznačyŭ jaho kiraŭnikom svajho daradcu Ihara Śmiaško.
Adpaviedny ŭkaz źjaviŭsia na sajcie kiraŭnika dziaržavy ŭ sieradu.
Paznačana, što heta zroblena, «z metaj pavyšeńnia efiektyŭnaści raboty pa zabieśpiačeńniu ažyćciaŭleńnia prezidentam paŭnamoctvaŭ pa kiraŭnictvie, kaardynacyi i kantroli za dziejnaściu raźviedvalnych orhanaŭ Ukrainy».
Kamitet utvarajecca ŭ składzie staršyni, dvuch namieśnikaŭ staršyni, u tym liku adnaho pieršaha, i inšych členaŭ kamiteta, jakija prymajuć udzieł u jaho pracy na hramadskich pačatkach.
Piersanalny skład kamiteta zaćviardžajecca prezidentam Ukrainy pa pradstaŭleńni staršyni kamiteta.
Staršyni kamiteta Śmiaško daručana ŭnieści ŭ dvuchtydniovy termin: prajekt pałažeńnia ab Kamitecie pa pytańniach vyviedki pry prezidencie i prapanovy pa jaho piersanalnym składzie, i prapanovy ab paradku kaardynacyi dziejnaści vyviedvalnych orhanaŭ Ukrainy ŭ asablivy pieryjad.
U svaju čarhu pres-sakratar Parašenki Śviatasłaŭ Cahołka rastłumačyŭ, što prezident pastaviŭ pierad Śmiaško zadaču «abjektyŭna infarmavać armiju, krainu, śviet adnosna vajny i pahroz».
Raniej u hety ž dzień Parašenka pryznačyŭ Śmiaško svaim daradcam.
Ihar Śmiaško ŭznačalvaŭ Słužbu biaśpieki Ukrainy z 4 vieraśnia 2003 pa 4 lutaha 2005.
