U Žytkavickim rajonie 7 kastryčnika prykładna ŭ 6.15 23-hadovy kiroŭca aŭtamabila «Nisan-Prymiera» na darozie Žytkavičy — Pcič — Pietrykaŭ pry zakruhleńni darohi vyjechaŭ na sustrečnuju pałasu, dzie ŭčyniŭ najezd na 75-hadovaha viełasipiedysta, jaki ruchaŭsia nasustrač.
U vyniku DTZ viełasipiedyst ad atrymanych traŭm pamior na miescy zdareńnia, paviedamlaje UDAI UUS Homielskaha abłvykankama.
Taksama 7 kastryčnika ŭ Žłobinskim rajonie prykładna ŭ 13.50 32-hadovy kiroŭca aŭtamabila «Reno-Kienhu», ruchajučysia pa aŭtadarozie Minsk — Homiel, vyjechaŭ na pałasu sustrečnaha ruchu, dzie adbyłosia datyčnaje sutyknieńnie z trosavaj aharodžaj.
Paśla čaho, viarnuŭšysia na pałasu svajho ruchu i prajechaŭšy nievialikuju adlehłaść, «Reno» znoŭ vyjechaŭ na pałasu sustrečnaha ruchu, dzie ŭčyniŭ łabavoje sutyknieńnie z aŭtamabilem «HAZ-053». U vyniku DTZ kiroŭca «Reno» ad atrymanych traŭm pamior na miescy zdareńnia.
