U Mahilovie były načalnik upraŭleńnia adukacyi harvykankama, jaki padazrajecca ŭ karupcyjnym złačynstvie, padaŭ Łukašenku prašeńnie ab pamiłavańni, paviedamili ŭ abłasnoj prakuratury.
Adznačym, što raniej Śledčym kamitetam rasśledavałasia kryminalnaja sprava ŭ dačynieńni da načalnika ŭpraŭleńnia adukacyi Mahiloŭskaha harvykankama Jaŭhiena Dupleŭskaha.
U lutym abłasnaja prakuratura paviedamiła ab raspačynańni ŭ dačynieńni da supracoŭnika harvykankama kryminalnaj spravy na padstavie častki 2 artykuła 210 KK (kradziež šlacham złoŭžyvańnia słužbovymi paŭnamoctvami, učynieny paŭtorna abo hrupaj asob pa papiaredniaj zmovie). Jaje sankcyja praduhledžvaje, u pryvatnaści. da siami hadoŭ pazbaŭleńnia voli z kanfiskacyjaj majomaści.
Čynoŭnik padazravaŭsia ŭ tym, što ŭ saŭdziele sa słužbovymi asobami siaredniaj škoły horada ŭčyniŭ kradziež šlacham złoŭžyvańnia słužbovymi paŭnamoctvami.
Było ŭstanoŭlena, što jon na praciahu čatyroch vučebnych hadoŭ, u 2010—2013 hadach, afarmlaŭsia ŭ škołu na pracu pa sumiaščalnictvie nastaŭnikam fakultatyŭnych zaniatkaŭ na ŭmovach terminovaha pracoŭnaha dahavora, pry hetym faktyčna takija zaniatki z navučencami nie pravodziŭ. U škole afarmlałasia fiktyŭnaja słužbovaja dakumientacyja, jakaja ź`iaviłasia padstavaj dla naličeńnia jamu zarabotnaj płaty i ažyćciaŭleńnia abaviazkovych adličeńniaŭ u biudžet na ahulnuju sumu kala 22 młn. rubloŭ.
U vyniku niepravamiernych dziejańniaŭ čynoŭnika ŭstanovie adukacyi byŭ naniesieny materyjalny ŭron.
