Vierchniaja pałata biełaruskaha parłamienta 9 kastryčnika ŭchvaliła prajekt zakona ab ratyfikacyi Dahavora ab stvareńni Jeŭrazijskaha ekanamičnaha sajuza. Niekalkimi hadzinami raniej zakonaprajekt pryniała nižniaja pałata. 

Prezientavaŭ sienataram zakonaprajekt člen prezidyuma Savieta ministraŭ, člen Savieta Jeŭrazijskaj ekanamičnaj kamisii ad Biełarusi, kiraŭnik Banka raźvićcia Siarhiej Rumas. 

Pavodle jaho słoŭ, u pracy pa kadyfikacyi zakanadaŭstva JEAES było vykarystana 96 dahavoraŭ, pryniatych u miežach MS i AEP, i 134 — JeŭrAzES. 

«Bolšaja častka pałažeńniaŭ dahavora skiravanaja na pahłybleńnie ekanamičnaj intehracyi», — zajaviŭ Rumas, adznačyŭšy, što čatyry pałažeńni «praduhledžvajuć niekatoryja adstupleńni». 

«Dahavor — heta vychad na jakasna novy ŭzrovień mižnarodnaha supracoŭnictva», — padkreśliŭ čynoŭnik. 

Pavodle jaho słoŭ, dahavor praduhledžvaje stvareńnie sajuza ź mižnarodnaj pravasubjektnaściu, stvareńnie ŭłasnaha suda, sistemy kantrolu finansava-haspadarčaj dziejnaści i šerah inšych norm. U adroźnieńnie ad dakumientaŭ MS i AEP dahavor ab JEAES nie praduhledžvaje ŭviadzieńnia i vykarystańnia abmiežavańniaŭ dziaržavami ŭ metach achovy nacyjanalnych rynkaŭ. 

«U cełym pałažeńni dahavora značna pašyrajuć i pahłyblajuć supracoŭnictva dziaržaŭ u roznych śfierach, stvarajučy asnovu dla ŭtvareńnia adzinaha rynku», — skazaŭ Rumas. 

Adkazvajučy na adno z pytańniaŭ parłamientaryjaŭ pry abmierkavańni zakonaprajekta, čynoŭnik adznačyŭ, što ŭ dahavory isnujuć vyklučeńni pa šerahu tavarnych pazicyj: rynki nafty, hazu, aŭtarynak. «Tamu Biełaruś daje sihnał partnioram pa «trojcy» pra nieabchodnaść vykanańnia ŭ dahavory metaŭ, dekłaravanych pry stvareńni sajuza», —- padkreśliŭ Rumas. Pry hetym jon zaŭvažyŭ, što, padpisvajučy 29 maja hetaha hoda dahavor, Biełaruś jašče nie mieła rašeńniaŭ u dvuch- ci trochbakovym farmacie «pa adčuvalnych dla jaje pazicyjach». 

Pry abmierkavańni zakonaprajekta Rumasu było zadadziena čatyry pytańni. 

Razhlad prajekta zakona ab ratyfikacyi Dahavora ab stvareńni JEAES razam z hałasavańniem zaniało nie bolš za 30 chvilin. Za pryniaćcie dakumienta prahałasavali ŭsie 48 prysutnych u zale pasiadžeńniaŭ členaŭ Savieta Respubliki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?