AAT «Krynica», najbujniejšy vytvorca piva ŭ Biełarusi, paniesła straty ŭ pamiery 61 młrd. 450 młn. rubloŭ pa vynikach pracy za pieršaje paŭhodździe 2014 hoda, śviedčać źviestki kampanii ab vynikach finansava-haspadarčaj dziejnaści.
Taksama straty ŭ pieršym paŭhodździ atrymała AAT «Bresckaje piva», admoŭny vynik finansava-haspadarčaj dziejnaści kampanii za studzień—červień skłaŭ 16 młrd. 260 młn. rubloŭ.
Razam z tym inšyja adkrytyja akcyjaniernyja tavarystvy, jakija zajmajucca vypuskam piva, atrymali čysty prybytak: AAT «Piŭzavod Alivaryja» — 59 młrd. 793 młn. rubloŭ, AAT «Lidskaje piva» — 79 młrd. 177 młn. rubloŭ.
Kamientujučy vyniki finansava-haspadarčaj dziejsnaści, hiendyrektar «Lidskaha piva» Aŭdryus Mikšys padkreśliŭ, što kampanija vypuskaje tolki tuju pradukcyju, jakaja prynosić prybytak. «U nas niama nieprybytkovych katehoryj. My nie dazvalajem sabie pracavać u minus, kab dahadzić abjomam», — skazaŭ Mikšys.
