Na pasiadžeńni Vyšejšaha Jeŭrazijskaha ekanamičnaha savieta ŭ Minsku 10 kastryčnika Armienija padpisała dahavor ab dałučeńni da JEAES.
Vystupajučy ŭ pačatku sustrečy, prezident RF Uładzimir Pucin zajaviŭ: «Na naš pohlad, Armienija hatovaja da pracy ŭ Jeŭrazijskim ekanamičnym sajuzie na roŭnych z Rasijaj, Biełaruśsiu i Kazachstanam. Z vosieni 2013 hoda našy armianskija siabry padciahnuli ekanamičnaje rehulavańnie pad ahulnyja standarty, pryviali nacyjanalnaje zakanadaŭstva ŭ adpaviednaść z normami JEAES».
Jak adznačyŭ Pucin, tavaraabarot mytnaj «trojki» z Armienijaj i raniej ros vysokimi tempami, prybaŭlajučy da 10% štohod. «Ale paśla źniaćcia mytnych i administracyjnych barjeraŭ pazityŭnyja tendencyja, spadziajusia, jašče bolš umacujecca», — zajaviŭ jon.
