U suviazi ź pierachodam u noč z 25 na 26 kastryčnika susiednich ź Biełaruśsiu krain na zimovy čas Biełaruskaja čyhunka sumiesna z čyhunačnymi administracyjami Rasii, Ukrainy, Litvy, Łatvii i Polščy skarektavała raskład ruchu mižnarodnych ciahnikoŭ.
Jak paviedamlaje pres-słužba Biełaruskaj čyhunki, ciahnik № 2 Minsk — Maskva, jaki ciapier adpraŭlajecca ź Minska ŭ 21.30 i prybyvaje ŭ Maskvu ŭ 8.05, z 26 kastryčnika budzie adpraŭlacca sa stalicy Biełarusi ŭ 22.06 (čas prybyćcia zastaniecca bieź źmieny). Ciahnik № 1 Maskva — Minsk ź pierachodam na zimovy čas budzie adpraŭlacca z rasijskaj stalicy ŭ 21.25 (ciapier adpraŭlajecca ŭ 22.25) i prybyvać u Minsk, jak i raniej, u 7.25.
Ciahnik № 86 Minsk — Kijeŭ, jaki adpraŭlajecca sa stalicy Biełarusi ŭ 21.56 i prybyvaje ŭ Kijeŭ u 7.51, z 26 kastryčnika budzie adpraŭlacca ź Minska ŭ 22.45 (čas prybyćcia ŭ Kijeŭ nie źmienicca). Ź pierachodam na zimovy čas ciahnik u zvarotnym napramku budzie adpraŭlacca z Kijeva ŭ 21.19 (da 26 kastryčnika adpraŭlajecca ŭ 22.25), čas prybyćcia ŭ stalicu Biełarusi zastaniecca bieź źmieny — 8.25.
Ciahnik № 805 Minsk — Vilnius paśla pierachodu na zimovy čas budzie adpraŭlacca ź Minska ŭ 8.40 (ciapier u 7.40) i prybyvać u kancavy punkt zhodna z raniejšym raskładam — u 10.10. Čas adpraŭleńnia ciahnika № 806 Vilnius — Minsk ź litoŭskaj stalicy paśla 26 kastryčnika zastaniecca niaźmiennym — 18.14, ale prybyvać u stalicu Biełarusi ciahnik budzie na hadzinu paźniej, u 21.44 (ciapier u 20.44).
Paśla 26 kastryčnika źmienicca raskład ruchu ciahnika № 87 Minsk — Ryha: zamiest 21.30 sastaŭ budzie adpraŭlacca ź Minska ŭ 22.35 (čas prybyćcia ŭ Ryhu zastaniecca raniejšym — 9.30); u zvarotnym napramku ciahnik budzie adpraŭlacca z Ryhi pa-raniejšamu ŭ 18.35, ale prybyvać u stalicu Biełarusi jon budzie ŭ 7.46 (ciapier u 6.35).
Ciahnik № 115 Minsk — Varšava, jaki adpraŭlajecca ź Minska ŭ 20.44 i prybyvaje na stancyju Varšava-Zachodniaja ŭ 5.55, paśla pierachodu na zimovy čas budzie adpraŭlacca ź Minska ŭ 21.45, čas prybyćcia zastaniecca bieź źmieny. Ciahnik № 116 Varšava — Minsk budzie adpraŭlacca sa stalicy Polščy zhodna z raniejšym raskładam u 20.52 i prybyvać u Minsk u 9.26 (ciapier u 8.38).
Paśla pierachodu na zimovy čas źmienicca čas adpraŭleńnia i prybyćcia i niekatorych inšych ciahnikoŭ mižnarodnych znosin. Akramia taho, u suviazi sa źmienami ŭ hrafiku ruchu mižnarodnych ciahnikoŭ skarektavany i raskład ciahnikoŭ rehijanalnych i mižrehijanalnych linij, jakija kursujuć pa terytoryi Biełarusi.
Padrabiaznuju infarmacyju pra raskład mižnarodnych ciahnikoŭ, ciahnikoŭ rehijanalnych i mižrehijanalnych linij možna atrymać na sajcie BČ www.rw.by, u čyhunačnych kasach i pa telefonach słužbaŭ daviedki.
