AFP
Futbolny kłub «Barsiełona» aficyjna abviaściŭ pra padtrymku refierendumu ab niezaležnaści Katałonii ad Ispanii, zapłanavanaha na 9 listapada.
Ab hetym paviedamlajecca na sajcie sinie-hranatavych.
Kiraŭnictva kłuba ŭ poŭnym składzie padpisałasia pad paktam, jaki padtrymlivaje ideju plebiscytu. U pryvatnaści, svoj podpis pastaviŭ i prezident «Barsiełony» Žazep Bartamieu.
Raniej vice-prezident prafiesijnaj futbolnaj lihi (LFP) Chaŭjer Tebas papiaredziŭ kłub, što kali rehijon adździelicca ad Ispanii, to i «Barsiełona», i «Espańoł» straciać svaje miescy ŭ nacyjanalnym čempijanacie.
Sami futbalisty «Barsiełony» raniej padtrymali ruch za niezaležnaść rehijona, vyjšaŭšy na matč nacyjanalnaha pieršynstva suprać «Atletyka» ŭ formie koleraŭ katałonskaha ściaha. Taksama aktyŭnym prychilnikam adździaleńnia Katałonii ad Ispanii źjaŭlajecca hałoŭny trenier «Bavaryi» i były hałoŭny trenier sinie-hranatavych Chasep Hvardyjoła, jaki rehularna vystupaje ŭ padtrymku idei niezaležnaści rehijona.
