Jaho kultavuju frazu «Łarysu Ivanaŭnu chaču» z kinastužki «Mimino» viedajuć miljony. Jaho ŭśmieška i hołas raspaznavalnyja i ŭ Biełarusi, i va Ukrainie, i ŭ Rasiei, ale akurat u apošniuju krainu aktor nie jeździć z 2008 h.
«Vielmi drenny scenar napisaŭ Pucin, kali pryjšoŭ u Hruziju. …Kali ja ŭbačyŭ tut pieršy rasiejski tank… My ŭsie byli ŭ šoku. U samym strašnym śnie my nie mahli sabie takoje ŭjavić», – uzhadvaje Kikabidze padziei vaśmihadovaj daŭniny, kali rasiejskija vojski zachapili terytoryju Paŭdniovaj Asiecii.
«Ale jašče bolš mianie ŭraziła akupacyja Ukrainy – jany ž słavianie. Bolš taho i Ukraina i Hruzija i Rasieja – pravasłaŭnyja krainy. Vialiki hrech na siabie ŭziaŭ Uładzimir Pucin», – kaža aktor, jaki padčas rasiejska-hruzinskaj vajny admoviŭsia ad rasiejskaj uradavaj uznaharody «Orden Siabroŭstva narodaŭ».
U toj vajnie, jak i ŭ vajnie na Danbasie svaju djabalskuju rolu adyhrała rasiejskaja prapahandysckaja mašyna, što abialała dziejańni Kramla. «Kali b ja žyŭ u Rasiei, to moža i pavieryŭ by prapahandzie. A tak, časami heta chłuśnia vyhladaje navat śmiešna, kali b nie było tak sumna», – kaža lehienda savieckaha kiniematohrafa Vachtanh Kikabidze.
