U aŭtorak, 14 kastryčnika, a 18.30 zaprašajem u halereju «Kryha» (Hrodna, vuł. Savieckaja 3) na prezientacyju knihi «1939 hod i Biełaruś: zabytaja vajna» historyka Anatola Trafimčyka.
Aŭtar padrabiazna raspaviadaje, jak Biełaruś stała prastoraj dla raźmiežavańnia ŭpłyvaŭ pamiž nacysckaj Hiermanijaj i kamunistyčnym Savieckim Sajuzam. Dla Biełarusi sprava nie abmiežavałasia tolki «vyzvaleńniem» jaje zachodniaj častki z BSSR. Viałasia chitraja kryvadušnaja palityka stalinskaj dziaržavy, jakaja pierastupała praz nacyjanalnyja intaresy i ludzkija losy dziela zapavietnaj mety – ažyćciaŭleńnia ŭ śviecie sacyjalistyčnaj revalucyi.
Anatol Trafimčyk — znaŭca prablemy — śviežym pohladam na šyrokim dakumientalnym materyjale aśviatlaje sutnaść abjadnańnia Biełarusi i palityki novaj savieckaj ułady ŭ Zachodniaj Biełarusi ŭ 1939-1941 hadach. U knizie pa-novamu traktujucca daŭno viadomyja fakty, pryciahvajucca novyja krynicy. Šyroka aśviatlajucca mižnarodny fon i pieradumovy padziej 1939 hoda.
