Pavodle dadzienych krynicy ZN.UA u kiraŭnictvie Nachvardyi, na bazie Nachvardyi ŭ Novych Piatroŭcach pad Kijevam 350 sałdat terminovaj słužby zbuntavalisia i pieššu adpravilisia ŭ stalicu.
Kałona nakiravałasia na administracyju prezidenta, skandujučy łozunhi suprać Piatra Parašenki.
Pavodle dadzienych krynicy, pierad hetym bajcy Nachvardyi na praciahu čatyroch sutak patrabavali vypłacić im hrašovaje ŭtrymańnie, jakoje jany doŭhi čas nie atrymlivali.
Taksama nachvardziejcy patrabavali, kab im vydali zimovuju formu i ekipiroŭku i stavilisia da ich «jak da ludziej, a nie da bydła».
Sałdaty majuć namier damahacca ad prezidenta zvalnieńnia kamandziraŭ vajskovaj častki, jakija dapuścili padobnaje stanovišča spraŭ.
Pierad tym, jak pakinuć miežy častki, bajcy zamknuli kamandziraŭ u haspadarčych pamiaškańniach.
Aficery, vybraŭšysia, sprabavali dahnać bajcoŭ i adhavaryć ich ad pachodu na Kijeŭ, ale biespaśpiachova, adznačaje krynica.
Miž tym, kamandavańnie Nacyjanalnaj hvardyi aficyjna paviedamiła, što «pravodzić pieramovy z hrupaj vajskoŭcaŭ terminovaj słužby, jakija vyjšli na akcyju pratestu ŭ adnoj z častak pad Kijevam».
«Vajskoŭcy terminovaj słužby, jakija adsłužyli adviedzieny termin, patrabujuć demabilizacyi. U ciapierašni čas pamiž bakami praciahvajecca pieramoŭny praces z metaj ŭrehulavańnia kanfliktnaj situacyi», — havorycca ŭ paviedamleńni pres-słužby Nachvardyi, apublikavanym 13 kastryčnika.
Taksama ŭ pres-słužbie adznačajuć, što kiraŭnictva Nachvardyi tłumačyć vajskoŭcam pazicyju dziaržavy nakont adterminoŭki demabilizacyi i «nastupstvy arhanizacyi dadzienaj akcyi», nie ŭdakładniŭšy, pra jakuju pazicyju dziaržavy i nastupstvy idzie havorka.