Biełaruskaja fiederacyja futboła i hałoŭny trenier nacyjanalnaj zbornaj Hieorhij Kandraćjeŭ 13 kastryčnika skasavali kantrakt «sa zhody bakoŭ», paviedamiła pres-słužba BFF pavodle vynikaŭ sustrečy treniera sa staršynioj fiederacyi Siarhiejem Rumasam. 

Rumas «vykazaŭ padziaku Hieorhiju Piatroviču za pracu i vykazaŭ škadavańnie ab tym, što nie atrymałasia dasiahnuć pastaŭlenych met». 

Paśla troch matčaŭ adboračnaha turniru čempijanatu Jeŭropy-2016 biełaruskaja zbornaja maje adno ačko i zajmaje pieradapošniaje miesca ŭ svajoj hrupie (ničyja na vyjeździe ź Luksiemburham — 1:1, paražeńni doma ad Ukrainy — 0:2 i Słavakii — 1:3). 

Kandraćjeŭ kiravaŭ nacyjanalnaj kamandaj z 8 śniežnia 2011 hoda. U adboračnym cykle čempijanatu śvietu-2014 zbornaja zaniała apošniaje miesca ŭ svajoj hrupie.

Pierad matčami z Ukrainaj i Słavakijaj trenier zajaviŭ, što pojdzie ŭ adstaŭku, kali pavodle ich vynikaŭ kamanda nie zmoža zmahacca za ŭvachodžańnie ŭ finalnuju častku Jeŭra-2016. 

2 kastryčnika na sustrečy sa staršynioj BFF Siarhiejem Rumasam Alaksandr Łukašenka raskrytykavaŭ zbornuju: «Kali havaryć ščyra, akramia apošniaj hulni BATE (pieramoha nad ispanskim «Atletykam» u Lizie čempijonaŭ), niama na što hladzieć i niama čamu radavacca, asabliva zbornaj. Treba surjoznuju ŭvahu źviarnuć na našu nacyjanalnuju zbornuju, tamu što heta vielmi drenny sihnał jak dla kiraŭnika fiederacyi, tak i dla fiederacyi ŭ cełym». 

Chto budzie rychtavać kamandu da adboračnaha matča suprać Ispanii 15 listapada, pakul nieviadoma.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?