Amierykanski rok-hurt uvojdzie ŭ historyju ajčynnaha šou-biznesu jak pieršaja kamanda mižnarodnaha maštabu, jakaja vyłučyła patrabavańnie anansavać ich vystup na biełaruskaj movie.

«My ŭpieršyniu sutyknulisia z takoj prośbaj, ale jana nam spadabałasia», – kaža arhanizatar kancertu Pavał Bahdanovič z ahienctva «Kancertchołhrup». U 30 Seconds To Mars u patrabavańniach jość punkt, datyčny taho, što afišy ich kancertaŭ pavinny być nadrukavanyja na nacyjanalnaj movie toj krainy, kudy jany pryjazdžajuć. Takim čynam, hurt Džareda i Šenana Leta pradstavić u Minsku prahramu pad nazvaj «Kachańnie + pałkaść».

Kancert zapłanavany ŭ «Čyžoŭcy-Arenie» na 4 krasavika 2015 hoda.

30 Seconds To Mars ličycca adnym z samych hastralujučych kalektyvaŭ u śviecie i źbiraje anšłahi na ŭsich kantynientach. Hurt navat uklučany ŭ «Knihu rekordaŭ Hinesa» za toje, što ŭ miežach svajho turu ŭ padtrymku albomu «This Is War» dali bolš za 300 kancertaŭ.

Kvitki na ich minski kancert buduć pradavacca z 16 kastryčnika praz sajt i kasy Kvitki.by, a taksama ŭ ofisie arhanizataraŭ na vuł. K.Marksa, 25, ofis 10. Cana pačynajecca ad 350 000 rub.

Džared Leta pryznaŭsia ŭ kachańni pa-biełarusku

30 Seconds to Mars zavioŭ zału ŭ Kijevie: trybuny skandavali «Słava Ukrainie!»

 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?