Pyzy ŭjaŭlajuć saboj pyški, pryhatavanyja z tvarahu, bulby i načynki, «dušy», ź miasnoha faršu. Takija pyški — idealny varyjant, kab nakarmić usiu siamju. U susiedniaj Litvie padobnaja strava nazyvajecca cepieliny.
Dla ciesta:
250 h tvarahu (kali ŭziać chatni — budzie tolki smačniej!)
1 šklanka muki
1 šklanka kruchmału
3-4 št. bulby (nacierci na drobnaj tarcy)
sol pa smaku
Dla načynki:
farš sa śvininy i jałavičyny 200 hr
cybula 1 št.
sol
jajka 1 št.
śpiecyi
Hatavańnie:
1. Złučyć tvaroh, kruchmał, ciortuju bulbu, muku i sol, usio dobra vymiesić — pavinna atrymacca miakkaje, płastyčnaje ciesta. Dać jamu trochi pastajać.
2. Pryhatavać miasnuju načynku. Dla hetaha ŭ farš sa śvininy i jałavičyny dadać drobna narezanuju cybulu, syroje jajka, sol i śpiecyi, źmiašać.
3. Vylepić pyzy. Ź ciesta sfarmavać kruhłuju aładku 5-6 mm taŭščynioj, na jaje pakłaści načynku, źvierchu nakryć druhoj aładkaj i złučyć krai. Možna zrabić pyzy pamieram jak pielmieni, možna — krychu bolš.
4. Razahreć na patelni alej i absmažyć pyzy da rumianaj skarynački z abodvuch bakoŭ. Jašče smačniej atrymajecca, kali pryhatavać ich na škvaračkach. Padrumianienyja pyzy davieści da hatoŭnaści ŭ duchoŭcy. Padać sa śmiatanaj abo mačankaj.
