16 kastryčnika ŭ kniharni «łohvinaŬ» błohier Jaŭhien Lipkovič pradstaviŭ knihu pra Minsk 1960-ch «Leto iz pierieułka».
Heta taki zbornik apaviadańniaŭ, abjadnanych adnymi hierojami. Hałoŭny hieroj knihi — maleńki-maleńki mienski zavułak, jaki nasieleny zvyčajnymi ludźmi. Dziejańnie adbyvajecca na pačatku 60-ch hadoŭ. Kožny raździeł — heta asobnaje apaviadańnie, i jany tam pierabityja dakumientami — listavańniem čalcoŭ Palitbiuro, vytrymki z aficyjnych listoŭ savieckich čynoŭnikaŭ i h.d. Kniha napisanaja adrazu na troch abo navat čatyroch movach, jakija možna było pačuć u Miensku 60-ch hadoŭ: biełaruskaja i rasiejskaja, trasianka, a taksama, jak kaža aŭtar, — «habrejski dyjalekt».
