BiełTA
Alaksandr Łukašenka na sustrečy z kiraŭnictvam AT «Mator Sič» (Ukraina) zajaviŭ pra hatoŭnaść prymać u Biełarusi ŭsich ukraincaŭ, jakija zachočuć pryjechać siudy žyć i pracavać.
«Prašu, kab vy nie zychodzili ź ciapierašniaj situacyi, voś ciažkavata niedzie va Ukrainie, treba praź Biełaruś pracavać z Rasijaj. Ja heta navat nie chavaju, heta pravilna. Ja i prezidentu Rasii skazaŭ: «Budu zaprašać usich ukraincaŭ, jakija da mianie pryjeduć, žyć, pracavać z nami, praz nas z vami. I vy pavinny heta razumieć». I adkidvańnia hetaha nie było», — skazaŭ Alaksandr Łukašenka.
Pavodle jaho słoŭ, viedaje pra heta i kiraŭnictva Ukrainy — i byłoje, i sučasnaje. «Ja im prama pra heta taksama kazaŭ. I kali jany sprabavali sa mnoj spračacca, ja vielmi žorstka na heta reahavaŭ», — padkreśliŭ biełaruski lidar.
